Concello de Vimianzo
23 de xuño de 2017
O corazón da Terra de Soneira

Novas

11-04-2017

O Concello de Vimianzo homenaxea a Roberto Mouzo, nun acto no que a emoción foi o principal convidado

O Auditorio da Casa da Cultura de Vimianzo encheuse o pasado sábado par render unha homenaxe ao soneirán Roberto Mouzo Lavandeira, falecido fai 4 anos.

Mouzo era o grande estudoso da Terra de Soneira, e así o atestigua a mostra cunha pequena parte dos seus traballos que se inaugurou na Casa da Cultura.

Os seus estudos abarcan distintos ámbitos pasando pola arqueoloxía, a etnografía, a toponimia, a historia, etc.

No acto do sábado o historiador Xosé Mª Lema achegouse á figura do Roberto estudoso, recordando que colaboraron en distintos traballos e publicacións e valorando o compromiso de Roberto coa investigación histórica e a defensa do patrimonio.

Manuel Rivas descubriunos ao Roberto máis comprometido socialmente. Recordou as loitas do Colectivo Adiante Soneira na defensa do patrimonio e da natureza e a colaboración de Roberto con Nunca Máis despois da catástrofe do Prestige.

A figura de Roberto Mouzo tamén foi fundamental para o recoñecemento da Terra de Soneira como comarca (na primeira proposta da Xunta o territorio dos concellos de Vimianzo, Camariñas e Zas ía incluído na de Fisterra) e para evitar a destrución e acadar o posterior recoñecemento como Paisaxe Protexida dos Penedos de Pasarela e Traba.

Rocio Soto achegouse á parte máis persoal de Roberto, á da amizade. Describiuno como un grande amigo, cun enorme sentido do humor e sempre disposto a colaborar coas súas amizades en calquera tipo de proxecto.

O alcalde, Manuel Antelo, incidiu na figura do Roberto comprometido co patrimonio e coa cultura. Refiriuse a el e aos seus traballos como un referente á hora de deseñar as liñas básicas nos ámbitos da cultura e do patrimonio do Goberno Municipal de Vimianzo.

Xa, na inauguración da exposición, a familia quixo expresar o seu agradecemento polo recoñecemento que se lle rendeu a Roberto con este acto e con esta exposición e mandarlles unha sentida aperta a todas aquelas persoas que participaron nestes actos.

Semblanza de Roberto Mouzo Lavandeira na web do Concello de Vimianzo



Sede Electrónica
Directorio Empresarial
Escoitámoste
Liña directa co alcalde
Axenda
- 2017 +
- xuño +
L
M
M
X
V
S
D
 
 
 
1
 
 

Perfil de contratante
Boletíns
SEA- Suelo Empresarial del Atlántico
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X